Orsýetiň Goranmak ministrligi özüniň Ermenistandaky howa bazasyny güýçlendirmek üçin has köp harby serişdeleri ýerleşdirendigini yglan etdi.
Ministrligiň 21-nji dekabrda beren maglumatyna görä, ermeni paýtagty Ýerewanyň golaýyndaky baza jemi alty sany hüjüm ediji we transport dikuçarlary iberilipdir.
Şeýle-de, maglumatda “Mi-24” we “Mi-8” kysymly dikuçarlaryň Orsýetiň günortasyndaky Krasnodar regionynda ýerleşýän harby bazadan Ermenistanyň Erebuni sebitindäki howa baza geçirilendigi nygtalýar.
Şu ýylyň dekabr aýynyň başynda hem Orsýet Ermenistandaky howa bazasyna ýedi sany dikuçary iberipdi.