5-nji ýanwarda Azerbaýjanyň paýtagty Bakuwda azeri žurnalisti Rasim Aliýewi öldürmäge gatnaşmakda aýyplanýan bäş adamyň sud diňlenişigi başlandy.
30 ýaşly Aliýew urlup-ýenjilenden soň, 2015-nji ýylyň 9-njy awgustynda Bakuwyň keselhanasynda aradan çykypdy.
Ol aradan çykmazyndan ozal, özüniň tanymal futbolçy Jawid Hüseýnow barada çap eden tankydy maglumatlary üçin onuň tarapdarlary tarapyndan urlup-ýenjilendigini aýtdy.
Azerbaýjanyň “Qabala FK” atly futbol klubynyň agzasy Hüseýnowyň ady şübhelileriň arasynda agzalmaýar.
2015-nji ýylyň awgust aýynda birnäçe žurnalist Aliýewe hüjüm edenleriň “talabalaýyk jezalandyrylmagyny” talap edip, Bakuw şäher prokuraturasynyň öňünde piket geçirdi.