Moldowan paýtagtynda, syýasy krizisiň dowam etmegi bilen, müňlerçe adam proteste çykdy.
Kişinýewde 16-njy ýanwarda bolan protestleriň ikisi orsýetçi partiýalar, üçünjisi bolsa «Mertebe we hakykat» atly anti-korrupsiýa graždan guramasy tarapyndan guraldy.
Protestler prezident Nikolaý Timoftiniň 15-nji ýanwarda tehnologiýa ministri Pawel Filipi ýurduň premýer-ministrligine hödürlemeginiň yzysüre guraldy.
Filip parlament ses berişliginde goldaw alar öýdülýär. Ol Demokratik partiýanyň agzasy bolup, gapma-garşylykly oligarh Wlad Plahotniuk bilen ýakyn gatnaşykda durýar.