Eýranyň döwlet eýeçiligindäki telewideniýesi deňiz harby türgenleşik çäreleri döwründe yslam respublikasynyň gözegçilik dronynyň, ýagny pilotsyz uçarynyň Birleşen Ştatlaryň gämisiniň üstünden uçandygyny habar berýär.
29-njy ýanwarda ýaýradylan maglumatda dronyň amerikan gämisini surata düşürendigi mälim edildi, emma bu barada jikme-jik maglumat berilmedi.
Bahreýniň kenaryndan Pars aýlagyna gözegçilik edýän Birleşen Ştatlaryň 5-nji deňiz floty bu barada henize çenli hiç hili reaksiýa bildirmedi.
Eýran şu hepdäniň başynda 3 million kwadratmetri öz içine alýan territoriýada harby-deňiz burawlaýyş işlerine başlady. Onuň düzümine Ormuz bogazynyň, Oman aýlagynyň we Hindi okeanynyň käbir bölekleri girýär.
27-nji ýanwarda Eýran öz ýurdunyň deňiz güýçleriniň Birleşen Ştatlaryň uruş gämilerine burawlaýyş işleriniň geçirilýän territoriýasyndan gitmegi üçin duýduryş berlendigini mälim etdi.
Ilka watanda maskaly cykya, ertesi gun acylys edya maskasyz cykya! Shol gun sms iberya aralyk maska diyip.... paradoksa girdik!