Ukrainanyň basyş astyndaky Baş prokurory resmi taýdan wezipeden çekildi, diýip prezident Petro Poroşenkonyň metbugat-wekili Twitter ulgamynda ýazdy.
Metbugat-sekretar Swýatoslaw Tsegolkonyň 19-njy fewralda ýazmagyna görä, Baş prokuror Wiktor Şokiniň wezipeden çekilýändigi barada resmi arza prezidentiň administrasiýasyna gowuşypdyr.
Baş prokuroryň orunbasary Witaliý Kaskonyň 15-nji fewralda wezipesinden çekilip, Şokini korrupsiýa bilen bagly ýagdaýlaryň derňelmegine päsgel bermekde aýyplamagyndan soň onuň wezipeden çekilmegine edilen çagyryşlar güýçlenipdi.
ABŞ-nyň wise-prezidenti Joe Biden Ukrainanyň prezidenti Petro Poroşenko bilen 18-nji fewralda geçiren telefon söhbetdeşliginde onuň Şokini wezipesinden çetleşdirmek kararyny ABŞ-nyň goldaýandygyny mälim etdi. Biden bu ädimiň “prokuratura edaralarynda zerur reformalara tarap ýol açýandygyny” belledi.