Aliýew, Rohani ençeme resminama gol goýdy

Azerbaýjanyň prezidenti Ylham Aliýew we onuň eýranly kärdeşi Hassan Rohani 23-nji fewralda Tähranda duşuşyp, ikitaraplaýyn gatnaşyklary maslahat etdiler.

Iki goňşy ýurduň resmileri transport pudagy, elektrik togunyň serhetara geçirilmegi, saglyk we medisina ylymlary, gümrük düzgünleri hem-de nebitiň we tebigy gazyň söwdasy boýunça hyzmatdaşlyk barada 11 sany resminama gol goýdular.

Aliýew iň soňky gezek Eýrana 2014-nji ýylda sapar edipdi. Şonda ol Eýranyň ýokary ruhy lideri Aýatollah Ali Hameneýi bilen duşuşypdy.

Soňky ýyllarda energiýa baý iki ýurduň arasyndaky gatnaşyklara içalyçylyk skandallary barada cykan maglumatlar kölege salypdy.