Moskwanyň metro stansiýasynyň daşynda çaganyň kesilen kellesini bulaýlap görkezen mahaly wideo düşürilen özbek zenany bu tisgindiriji hereketi amala aşyrmagy özüne “Allanyň buýurandygyny” aýtdy.
Bu barada Gülçehre Bobokulowa 2-nji martda Moskwanyň sud zalyna girip barýan mahaly mälim etdi.
Şeýle-de, Bobokulowa habarçylara beren maglumatynda özüniň işe alnan ýerinde dört ýaşyndaky çagany öldürendigini hem kabul edýändigini aýtdy.
2-nji martda Moskwanyň Presnenskiý etrap sudy öňüni alyş çäresi hökmünde Bobokulowanyň iki aý tussaghanada saklanylmalydygy barada karar çykardy.
Häkimiýetler Bobokulowanyň psihiki näsazlykdan ejir çekýändigini we onuň barlaglardan geçiriljekdigini aýtdylar.