Orsýetiň Goranmak ministrligi Siriýada rus harby dikuçarynyň heläkçilige uçrandygyny we iki harby işgäriniň heläk bolandygyny aýdýar.
Ministrligiň maglumatynda “Mi-28” kysymly hüjüm ediji dikuçaryň urlup ýykylmandygy, onuň 12-nji aprelde Siriýanyň Homs welaýatynda heläkçilige uçrandygy bellenilýär.
Şeýle-de, maglumatda dikuçardaky pilotlaryň jesediniň anyklanandygy we olaryň Hmeýmimdäki rus howa bazasyna getirilendigi aýdylýar.
Henize çenli bu waka barada has jikme-jik maglumat berilmedi.