Siriýanyň pitneçi fraksiýalarynyň birnäçesi Siriýada ok atyşygy bes etmek baradaky ylalaşygyň “bozulmagyna” gaýtawul bermek üçin hökümet güýçlerine garşy täze “söweşe” başlaýandygyny aýtdy.
18-nji aprelde ýaýradylan beýanatda “Siriýa armiýasyny azat ediň” we yslamçy “Ahrar al-Şam” banneriniň astynda söweşýän toparlar parahat ilatdan ýaşaýjylara ot açan islendik armiýa birleşigine garşy “harby güýç” bilen gaýtawul beriljekdigini aýdýarlar.
Şeýle-de, beýanatda toparlaryň “söweşe bilelikde başlamak üçin operasiýa sebitlerini” kesgitlenýändigi aýdylýar, emma täze söweşleriň nirelerde geçirilmegi planlaşdyrylýandygy barada takyk maglumat berilmeýär.