Orsýet özüniň, Kiýewiň täze hökümetine bu babatda näme etmelidigi barada karara gelmäge wagt bermek üçin, 3 milliard dollar karzynyň doly yzyna tölenmegi baradaky talabyny wagtlaýyn togtadýandygyny aýdýar.
«Biz täze ukrain hökümetine ýagdaýa dury pikir bilen seretmek we öz pozisiýasyna gaýtadan baha bermek hem-de öz bergileri barada Orsýet bilen gepleşikleri açmak üçin uzaldylan möhlet berdik» diýip, Orsýetiň maliýe ministri Anton Siluanow 22-nji aprelde aýtdy.
Bu çäre Ukrainynyň Kiýewiň häzirki «syýasy durnuksyzlygyny» nazar almak baradaky talabyndan soň görüldi diýip, ol aýtdy.
Ukrain parlamenti geçen hepde günbatarçy spiker Wolodimir Hroýsmany premýer-ministrlige tassyklady. Ol we prezident Petro Poroşenko şindi hem öz kabinetlerini toplaýarlar