Owganystanyň günortasyna edilen ulagly bomba hüjüminde 11 adam öldi we başga-da ençemesi ýaralandy.
Nangarhar welaýat häkimliginiň 10-njy maýda ýaýradan beýanatynda, söweşijiniň Nazýan etrabyndaky hökümete tarapdar tire-taýpa lideri Malik Dehkanyň öýüniň golaýynda ulagly bombany partladandygy habar berilýär.
Şeýle-de, beýanatda wakada 23 adamyň ýaralanandygy, olaryň arasynda “Talybana” garşy ýaragly topara ýolbaşçylyk edýän Dehkanyň hem bardygy aýdylýar.
Bu hüjümiň jogapkärçiligini henize çenli hiç kim öz üstüne almady.