HWF: Dünýäde her ýyl $2 trillion para berilýär

Halkara Walýuta fondunyň (HWF) başlygy Kristin Lagard (Christine Lagarde) dünýäde her ýyl para hökmünde berilýän puluň möçberi 1,5-2 trillion amerikan dollaryna ýa-da global ykdysady önümçiliginiň 2%-ne deň diýdi.

“Korrupsiýa ykdysadyýete ýaramaz täsir ýetirip”, ilatyň garyp gatlagy üçin çäksiz zerur bolan bilim, saglygy saklaýyş we beýleki pudaklara maliýe çykdajysynyň az sarp edilmegine sebäp bolýar diýip, Lagard 11-nji maýda çap eden açyk hatynda aýtdy.

Şeýle-de, ol “korrupsiýa gönüden-göni edilýän harçlamalardan we onuň global ykdysadyýete ýetirýän täsirinden başga hem, gyýtaklaýyn harçlamalar has möhüm we gowşadyjy bolup, ösüşiň pese gaçmagyna we ägirt uly girdeji deňsizligine sebäp bolup biler” diýdi.