Türkiýäniň harby güýçleri ýurduň günorta-gündogarynda aglaba kürtleriň ýaşaýan ýerinde ýüze çykan soňky ýowuzlyklarda sekiz sany hökümet esgeriniň we Kürdüstanyň Işçileri partiýasynyň (PKK) alty agzasynyň ölendigini aýdýarlar.
Türk armiýasynyň 13-nji maýda ýaýradan beýanatynda Hakkari welaýatynda “PKK” söweşijileri bilen bolan çaknyşyklarda alty esgeriň öldürilendigi we başga-da sekiz sanysynyň ýaralanandygy aýdylýar.
Şeýle-de, beýanatda Hakkaride tehniki meseleler sebäpli harby dikuçaryň heläkçilige uçramagy netijesinde başga-da iki esgeriň ölendigi bellenilýär.
“PKK”-nyň alty söweşijisi regionda geçirilen operasiýalar döwründe öldürildi diýlip, türk armiýasynyň beýanatynda nygtalýar.
2015-nji ýylyň iýul aýynda türk hökümeti bilen “PKK”-nyň arasyndaky gowşak parahatçylyk prosesi şowsuz bolany bäri Türkiýäniň günorta-gündogaryndaky ýowuzlyklar artdy.