Fransiýa Orsýetiň futbol janköýerleriniň lideri Aleksandr Şprygini bir hepdeden az wagtyň dowamynda ikinji gezek deportasiýa edýär. Fransiýanyň häkimiýetleri öz çäresiniň “Euro 2016” futbol ýaryşynyň dowamynda tutaşan zorluklar bilen baglydygyny 22-nji iýunda aýtdylar.
Polisiýa Şpryginy 20-nji iýunda Orsýetiň futbol komandasynyň Wales bilen oýnaýan ýeri Toulouse şäherinde gaýtadan tussag etdi.
Şprygin Britaniýanyň we Orsýetiň komandalarynyň Marselde geçirilen duşuşygynyň dowamynda emele gelen çaknyşyklaryň yzýany 18-nji iýunda Fransiýadan deportasiýa edilipdi.
Tutaşan zorluklar Ýewropanyň futbol federasiýasyny (UEFA) Britaniýa we Orsýete bäsdeşlikden çetleşdirmegiň mümkinçiligi barada duýduryş bermäge mejbur edipdi.
Soňky günlerde tertipsizlikler gowşady, emma polisiýa 21-nji iýunda Marselde polşaly futbol janköýerleriniň arasynda dörän çaknyşygy dargatmak üçin gözi ýaşardýan gazy we beýleki serişdeleri ulandy we azyndan 12 adamy tussag etdi.