Britaniýanyň maliýe ministri George Osborne Britaniýanyň Ýewropa Bileleşigini terk etmegine degişli geçirilen ses berişligiň netijeleri boýunça işe taýýarlyk görýändigini aýtdy.
Osborne ses berişligiň netijeleri 24-nji iýunda yglan edileli bäri, Angliýanyň Bankynyň ýolbaşçysy Mark Kaneý bilen yzygiderli gepleşik geçirýändigini 27-nji iýunda aýtdy, şeýle-de garaşylmadyk ýagdaýlaryň dörän halatlary üçin niýetlenen oýlanyşykly planyň işlenip düzülendigini belledi.
Britaniýanyň Maliýe ministri öz ýewropaly kärdeşleri, Merkezi bankyň ýolbaşçylary, Halkara maliýe fondy, ABŞ-nyň Maliýe fondy we Britaniýanyň baş maliýe institutlary bilen aragatnaşykdadygyny aýtdy.
Ses berişligiň netijeleri bilen bagly howatyrlanmalar bilen baglylykda 27-nji iýunda Aziýanyň maliýe bazarynda Britaniýanyň poundy ýene pese düşdi.
Britaniýanyň ýolbaşçylary ýurdy 27 döwleti öz içine alýan Ýewropa Bileleşiginiň düzüminden çykarmagyň ýollaryny gözleýärkä, ýurtda syýasy durmuksyzlyk güýçlenýär.