Türkiýäniň sudy geçen aý Stambulyň esasy aeroportuna edilen üç hüjüm bilen ilteşikli ýene ýedi adamy tussag etdi. Munuň netijesinde, bu iş bilen baglanyşykly tussag edilen adamlaryň sany 37-ä ýetdi diýip, türk metbugat serişdeleri habar berýär.
Türkiýäniň döwlet eýeçiligindäki “Anadolu” habar agentliginiň 11-nji iýulda ýaýradan maglumatyna görä, ýedi şübheli “ýaragly terroristik topara agza bolmakda” we öldürmäge gatnaşmakda aýyplanýar.
Hususy eýeçilikdäki “Dogan” habar agentligi 10-njy iýulda agşam tussag edilen ýedi şübheliniň ählisiniň daşary ýurt raýatlarydygyny habar berýär.
28-nji iýunda Stambulyň Atatürk aeroportunda bolan hüjümde azyndan 45 adam öldi we başga-da 240 çemesi ýaralandy.