Orsýetiň Dagystan regionynda bolan awtobus heläkçiliginde azyndan dokuz adam öldi we başga-da onlarçasy ýaralandy.
Dagystanyň Içeri işler ministrliginiň 13-nji iýulda beren maglumatyna görä, Kawkaz respublikasynyň Tarumowka etrabyndaky Talowka Tarumowskiý obasynyň golaýyndaky Mahaçkala-Astrahan asfalt ýolunda bolan ýol heläkçiliginden soň, başga-da 27 adam keselhana ýerleşdirildi.
Resmiler awtobusda 33 ýolagçynyň bolandygyny aýdýarlar.
Dagystanyň saglygy saklaýyş resmileri ýol heläkçiligi netijesinde ýaralananlaryň arasynda dört çaganyň hem bardygyny belleýärler.