Gazagystanyň prezidenti Nursoltan Nazarbaýew Türkiýäniň başa barmadyk agdarylyşyk synanyşygynda aýyplaýan bosgun ruhanysy tarapyndan maliýeleşdirilýän gazak mekdeplerinde «terror ilteşigi» bolan islendik adamy yzyna, Türkiýä ibermegi wada berdi.
Türkiýäniň prezidenti Rejep Taýyp Erdogan Birleşen Ştatlaryň Pensilwaniýa ştatynda ýaşaýan ruhany Fethulla Güleni 15-nji iýulda özüne garşy guralan gozgalaňyň arkasynda bolmakda günäläp, Astanany bu ýurtdaky 33 mekdebiGüleniň eýerijilerinden saplamagaçagyrdy.
"Eger olaryň arasynda haýsam bolsa biri terrorçylyk bilen iltewli bolsa, biz Türkiýäniň talaplaryna jogap bereris” diýip, Nazarbaýew 5-nji awgustda, döwlet saparynyň soňunda Ankarada Erdogan bilen bile gatnaşan metbugat ýygnagynda aýtdy.
Emma Nazarbaýew, Erdoganyň isleýşi ýaly, ol diýilýän mekdepleri ýapjakdygyny aýtmakdan saklandy. Ol Gazagystandaky mekdepleriň bireýýämden döwlet gözegçiligi astyndadygyny, şeýle-de olaryň mugallymlarynyň 90 prosentiniň türk däl-de, gazaklardygyny aýtdy.
"Biz Türkiýäniň garşysyna işleýänleri goldamaýarys. Bu biziň bähbidimize däl» diýip, ol aýtdy we terror bilen iltewli mugallymlar bolsa, olaryň Türkiýä yzyna iberiljedigini nygtady.
Gülen we onuň eýerijileri agdarylyşyk synanyşygyna dahyllydyklaryny ret edýärler.
Meniň pikirimçe, bir haltasy 1000 manat diýjek bolupdyrlar öýdýän. Soňam siziň belligiňizden utanyp, çekinip, düzetmändirler ýa-da düzetmegi özlerine kiçilik bilen bolara çemeli. Türkmen hökümedi ýaly, bular hem tankyda bolanoklar ahyry. Bellik edip ýazan düzedişiň bir hepde geçensoňlar goýýarlar. Hamala, söz azatlygy, tankydy kabul edýän kişi bolup. Bir hepdeden bolsa makala arhiwe geçip gidýär.