Orsýetiň prezidenti Wladimir Putin Özbegistanyň öňki prezidenti Yslam Kerimowyň hatyrasyna matam tutmak üçin Samarkant şäherine sapar etdi.
Orsýetiň prezidenti 6-njy sentýabrda eden bu saparynyň dowamynda Kerimowyň mazaryna gül goýdy. Şeýle-de Putin Kerimowyň aýaly Tatýana we kiçi gyzy Lola Kerimowa-Tillýaýewa duýgudaşlyk bildirdi.
Putin özbek premýer-ministri Şawkat Mirzýaýew bilen duşuşygynda Özbegistanyň doly Orsýete bil baglap biljekdigini aýtdy.
Putin 6-njy sentýabrda sözlän sözünde “Öz tarapymyzdan biz bilelikdäki ösüş ýoluny dowam etdirmek we Özbegistan hem özbek administrasiýasy üçin ähli zady ederis. Bize doly bil baglap bilersiňiz” diýdi.
Putin 3-nji sentýabrda Kerimowyň jaýlanyş çäresine gatnaşmady.
Öňki kommunist ýolbaşçy Kerimow berk içerki toparyň merkezinde bolup, başga pikirliligi çäklendirmek boýunça güýçli howpsuzlyk şertleriň berjaý edilmeginde Özbegistana 27 ýylyň dowamynda baştutanlyk etdi.