2016-njy ýylyň Fiziologiýa ýa-da Medisina boýunça Nobel baýragy “autofragiýa üçin mehanizmleriň üstüni açan” ýapon alymy Ýoşinori Ohsumä beriler.
Stokgolmyň Karolinska instituty bu baradaky karary 3-nji oktýabrda mälim edip, Ohsuminiň açyşlarynyň “köp fiziologik prosese düşünmäge ýol açandygyny” aýtdy.
Şwesiýanyň Stokgolm şäherindäki Karolinska instituty her ýyl ilkinji bolup, Medisina boýunça Nobel baýragyny yglan edýär. Alty sany Nobel baýragynyň ýeňijilerine jemi 8 million şwed krony ($930,000) möçberinde pul sowgady hem berilýär.
Nobel baýragynyň beýleki ugurlar boýunça ýeňijileriniň şu hepdäniň dowamynda yglan edilmegine garaşylýar.