Birleşen Ştatlaryň hökümeti Moskwanyň garşysyna, Orsýetiň ABŞ saýlawlaryna gatyşmak synanyşygy diýilýäne jogap hökmünde, ähtimal kiber hüjümlerini taýýarlaýar diýip, ABŞ-nyň aňtaw resmileri NBC News neşirine aýtdylar.
Amerikan neşiri ady aýdylmaýan aňtaw resmilerine salgylanyp, 14-nji oktýabrda Merkezi aňtaw gullugynyň, CIA-niň Moskwany oňaýsyz ýagdaýa salmak maksady bilen, prezident Barak Obamanyň garamagyna bermek üçin gizlin operasiýa wariantlaryny taýýarlaýandygyny habar berdi.
Çeşmeler hiç bir jikme-jikligi aýtmady, emma agentligiň nyşanalaryny saýlandygyny we bu operasiýa üçin beýleki taýýarlyklary görýändigini aýtdy.