Belgiýanyň söweş uçarlarynyň siriýaly obalylary öldürendigi barada Kremliň öňe sürmeleri sebäpli dörän dawanyň netijesinde, Russiýa Belgiýanyň Moskwadaky ilçisini çagyrdy.
Russiýanyň Daşary işler ministrliginiň metbugat wekili Maria Zaharowanyň aýtmagyna görä, 21-nji oktýabrda Belgiýanyň ilçisi Alex Van Meeuwen rus ministrligine bardy.
Russiýanyň Goranmak ministrligi radar gözegçiliginden alnan delillerde 18-nji oktýabrda Belgiýanyň F-16 söweş uçarlarynyň Siriýanyň Türkiýe bilen serhediniň golaýyndaky Hassajek obasyna hüjüm edendigi we alty adamy öldürip, başga-da dört sanysyny ýaralandygy görünýär diýýär.
Mundan ozal, Belgiýa hem bu waka bilen ilteşikli Russiýanyň Brýusseldäki ilçisini çagyrypdy.