Ýekşenbede, 13-nji noýabr güni agşam Palestina döwletiniň prezidenti Mahnud Abbas resmi sapar bilen türkmen paýtagtyna geldi.
Türkmen metbugatynyň maglumatyna görä, 14-nji noýabrda Aşgabatda ýokary derejelerdäki türkmen-palestin gepleşikleri geçiriler.
Ministrler kabinetiniň anna güni geçirilen mejlisinde daşary işler ministri Reşit Meredow palestin lideriniň öňde durýan saparyna görlen taýýarlyk barada hasabat berdi.
Bu saparyň öňden gelýän ikitaraplaýyn dostlukly gatnaşyklary mundan aňryk hem ösdürmäge, özara peýdaly söwda-ykdysady we iş gatnaşyklaryny ýola goýmaga, ylym, bilim we medeniýet pudaklaryndaky hyzmatdaşlygy giňeltmäge ýardam etmegine garaşylýar.
Iki döwletiň arasyndaky diplomatiki gatnaşyklar 1992-nji ýylyň 17-nji aprelinde ýola ýolýuldy.
3-4 million ilaty baý-garyba, türmä basylana we türmä basýanalara böldüň, dul hatyn, ýetim çaga - sanyny bilýän ýok, milletiň ýarysy daşary ýurtlarda ekmek parasy üçin 14 sagat işleýär, sen dünýäni birleşdirjekmi indi? Öňem bir baý ogluna sen baý oglusyň, märäkä baraňda, uly gürlegin diýse, ogly üýşüo oturan adamlaryň ýanyna baryp, 'düýe' diýipdir, seniňki hem şol boldy. Ýeri, bolýar, özüňi masgara etmäge dowam!