Sepleriň elýeterliligi

Soňky habar

Hytaý Trampyň Taýwan lideri bilen gürleşeni üçin ABŞ-a protest bildiýär


Donald Tramp

Saýlanan prezident Donald Tramp ABŞ-nyň kyrk ýyllyk diplomatiýa syýasatyny bozup, Taýwanyň prezidenti bilen telefonda gepleşeninden soň, Hytaý diplomatik protest bildirdi.

Pekin 3-nji dekabrda Waşingtony özüniň bir Hytaý syýasatyny saklamaga hem-de ikitaraplaýyn gatnaşyklary bozmakdan gaça durmaga çagyrandygyny aýtdy.

Hytaý mediasy ýurduň daşary işler ministri Wang Ýiýe salgylanyp, onuň «Bu diňe Taýwanyň kiçijik hilegärligi» diýendigini aýtdy. Şeýle-de WangABŞ-nyň syýasat üýtgetmesini yşarat edýändigine ynanmaýar.

“Bir Hytaý syýasaty Hytaý-ABŞ gatnaşyklaryny sagdyn ösdürmegiň esasy bolup durýar we biz syýasy binýada gatyşylmajagyna we oňa zyýan ýetmejegine umyt baglaýarys» diýip, Wang aýtdy.

Trampyň geçiş topary 2-nji dekabrda Taýwanyň lideri Tsai Ing-weniň Trampy prezident saýlanmagy bilen gutlandygyny aýtdy.

Bu iki lider"Taýwan bilen ABŞ-nyň arasynda ýakyn ykdysady, syýasy we howpsuzlyk gatnaşyklarynyň bardygyny bellediler" diýip» beýanatda aýdylýar.

Tramp biraz soň twitterde Taýwanyň lideriniň özüniň telefon edendigini aýtdy.

Iň soňky teswirler

Iň soňky teswirler
XS
SM
MD
LG