Günbatar Owganystanda bolan ýol hadysasynda, uly ýolda ýolagçy awtobusy bilen ýük maşynynyň çakyşmagy netijesinde azyndan 14 adam öldi.
Resmiler Hyratdan Kabula gelýän awtobusyň 18-nji dekabrda, Frah welaýatynyň Gülistan etrabynda heläkçilige uçrandygyny aýtdylar.
Welaýat gubernatorynyň sözçüsi Mohammad Naser Mehri ýaraly bolanlaryň ondan gowragynyň agyr ýagdaýdadygyny aýtdy.
Owganystanyň Nirmroz welaýatynda agdarylan awtobusda bolsa, 4 adamyň ölendigi, 30-dan gowrak adamyň bolsa ýaraly bolandygy aýdylýar. Bu hadysa 17-nji dekabrda, welaýatyň paýtagty Çakhansurlda boldy.