Sepleriň elýeterliligi

Soňky habar

Ermenistanyň Gýumri şäherinde rus esgeri öldürildi


Gýumri şäherinde pyçak ýarasyndan ölen rus esgeriniň jesedi tapyldy. 22-nji aprel, 2017
Gýumri şäherinde pyçak ýarasyndan ölen rus esgeriniň jesedi tapyldy. 22-nji aprel, 2017

Ermenistanyň demirgazykdaky Gýumri şäherinde, rus harby garnizonynyň ýerleşýän ýerinde pyçak ýarasyndan ölen rus esgeriniň jesedi tapyldy.

2015-nji ýylda bu ýerdäki garnizonda gulluk edýän rus esgerleriniň biriniň ermeni maşgalasynyň agzalaryny öldürmegi ozaky sowet respublikasynda uly gahar-gazaba sebäp bolupdy.

Kanun goraýjylar jesedi tapylan esgeriň şahsyýetiniň anyklanandygyny, onuň 21 ýaşyndaky Dmitriý Ýalpaýew bolandygyny aýtdylar.

Orsýetiň TASS habar gullugy Orsýetiň Goranmak ministrliginiň Günorta harby okrugyna salgylanyp, onuň 102-nji harby bazanyň esgeri bolandygyny tassyklady.

Bu harby bazada 3 müň çemesi rus harbysy gulluk edýär. Ermenistanyň Baş prokuraturasy bu jenaýat işinde güman edilýän 20 ýaşly erkegiň saklanandygyny, derňewiň dowam edýändigini aýtdy.

XS
SM
MD
LG