Yrak goşunlary, “Yslam döwleti” ekstremist toparynyň kontroly astynda bolan onlarça raýaty ewakuasiýa edip, günbatar Mosulyň demirgazyk çetine golaýlaýar diýip, harby serkerdeler aýdýar.
Harbylaşdyrylan federal polisiýanyň başlygy Raed Çaker 6-njy maýda öz goşunlarynyň 3-nji maýda başlanan hüjümden bäri ekstremistlerden 500 metr çemesi territoriýany yzyna alyp, Mosulyň demirgazyk-günbataryndaky al-Haramat etrabynyň içine, YD-nyň kontrollygyndaky ýere tarap ilerländigini aýtdy.
"Biziň güýçlerimiz al-Haramatdaky söweş meýdanyndan onlarça asuda adamy ewakuasiýa etdi” diýip, ol aýtdy we günüň dowamynda 15-den gowrak jeňçiniň öldürilendigini hem sözüne goşdy.
ABŞ-nyň goldawyndaky yrak güýçleri Mosuly YD söweşijilerinden saplamak ugrunda söweşýärler, bu ýer YD-nyň Yrakdaky soňky mesgeni bolup durýar.
Gündogar Mosul azat edildi. Yrak güýçleri gür ilatly günbatar Mosulda ganly söweşler netijesinde öňe süýşýär we olar 190-ny aprelde başlan hüjümden bäri 1000 çemesi YD ekstremistiniň gazaply garşylygyna duçar bolýar.