Bilelikdäki türkmen-owgan topary 2-4-nji maýda owgan paýtagty Kabulda iki ýurduň arasyndaky proýektleriň we serhet uçastoklarynyň howpsuzlygy barada maslahat etdi. Bu barada Türkmen DIM-niň websaýtynda habar berilýär.
Türkmenistanyň Daşary işler ministri Reşit Meredowyň ýolbaşçylygyndaky delegasiýa Kabulda owgan prezidenti Aşraf Gani we beýleki ýokary derejeli ýolbaşçylar bilen hem duşuşdy.
Taraplar Türkmenistan-Owganystan-Pakistan-Hindistan (TOPH) gaz geçirijisiniň we iki ýurduň arasyndaky beýleki taslamalarynyň howpsuzlygy barada maslahat etdiler.
Şeýle-de mejlisde özara serhedi goramak we türkmen-owgan serhedine ýakyn etraplaryň durnuklylygyny üpjün etmek boýunça hyzmatdaşlygyň meseleleriniň ara alnyp maslahatlaşylandygy aýdylýar.
TOPH geçirijisiniň türkmen böleginiň gurluşygy 2015-nji ýylyň 13-nji dekabrynda başlandy.
Emma ekspertler onuň owgan böleginiň gurluşygynyň howpsuzlygyny sorag astyna alýarlar.
Şeýle-de, Türkmenistanyň gaz eksportyndan gelýän girdejileriniň kesgin azalmagy netijesinde, bu proýektiň maliýeleşdirilmeginiň kynlaşandygyaýdylýar.