Ýewrowideniýe Aýdym-saz bäsleşiginde Portugal ýeňdi

2017-nji ýylyň Ýewrowideniýe Aýdym-saz bäsleşiginiň 200 million çemesi tomaşaçysynyň iň köp sesini alan Portugal boldy.

Aýdymçy Salwador Sobralyň arkasyndan öňe saýlanan Portugal 14-nji maý güni irden, ukrain paýtagty Kiýewde ýeňiji diýlip yglan edildi.

Ýeňiji milli žýuriler tarapyndan berlen derejeler we gatnaşyjy ýurtlardan gelen telefon hem-de hatlar esasynda kesgitlendi. Geçen ýyl bu ýaryşda Ukraina ýeňiji bolupdy.

Ýeňen aýdym “Amar Pelos Dois” diýlip atlandyrylýar we bu Portugalyň 1964-nji ýylda şu ýaryşa gireli bäri ilkinji ýeňşi boldy. Ikinji orny Bolgariýa, üçünji orny bolsa Moldowa aldy.