Sepleriň elýeterliligi

NATO YD toparyna garşy halkara koalisiýasyna goşular


NATO-nyň baş sekretary Jens Stoltenberg

NATO-nyň baş sekretary Jens Stoltenbergiň aýtmagyna görä, bileleşigiň agzalary 25-nji maýda geçiren duşuşygynda NATO-nyň “Yslam döwleti” (YD) atly ekstremist topara garşy halkara koalisiýasyna gatnaşmagy barada ylalaşypdyr.

“Bu NATO-nyň terrorizme garşy göreşe goşandy barada güýçli syýasy yşarat berer” diýip, Stoltenberg 28 agzaly harby bileleşigiň liderleriniň Brusselde geçiren duşuşygynyň öňüsyrasynda aýtdy. Bu duşuşyga ABŞ-nyň prezidenti Donald Tramp ilkinji gezek gatnaşdy.

Şol bir wagtda-da Stoltenberg bu planyň NATO-nyň YD toparyna we beýleki ekstremist toparlara garşy göreşde Siriýada we Yrakda söweş roluny öz üstüne almagyny göz öňünde tutmaýandygyny belledi.

NATO-nyň 28 agzasynyň ählisi 68 ýurdy öz içine alýan ABŞ-nyň ýolbaşçylygyndaky Global koalisiýasynyň düzümine girýär. Bu koalisiýa YD toparyna garşy göreşmegi maksat edinýär.

Emma NATO, ABŞ-nyň basyşyna garamazdan, gurama hökmünde bu göreşe gatnaşmandy.

Guramanyň Fransiýa, Germaniýa we Italiýa ýaly ýurtlarynyň bu karara garşy çykandygy habar berilýär.

XS
SM
MD
LG