Tramp Uly-7 guramasynyň sammitine gatnaşmak üçin Sisiliýa bardy

ABŞ-nyň prezidenti Donald Tramp Uly-7 guramasynyň iki günlük sammitine gatnaşmak üçin 26-njy maýda Sisiliýa bardy. Trampyň söwda we howanyň üýtgemegi barada öz pozisiýalaryny mälim edip, beýleki ýurtlaryň liderleriniň soraglaryna jogap bermegine garaşylýar.

Taormina kurort şäherçesinde geçirilýän sammit Trampyň ýanwar aýynda döwlet başyna geçeli bäri edýän ilkinji daşary ýurt saparynyň jemleýji tapgyrydyr. Trampyň dokuz günlük sapary Ýakyn Gündogara we Ýewropa boldy.

Şeýle-de liderleriň duşuşygynda 22-nji maýda Britaniýanyň Mançester şäherinde bolan bombaly hüjüm bilen bagly howpsuzlyk hyzmatdaşlygynyň ara alnyp maslahat ediljegi aýdylýar.