Dünýä ýurtlary Trampyň howanyň üýtgemegi boýunça ylalaşyk baradaky kararyna garaşýar
Dünýä ýurtlarynyň hökümetleri ABŞ-ny howanyň üýtgemegine garşy göreşmek boýunça global şertnamasyndan daşlaşmazlyga çagyrdylar.
Prezident Donald Tramp ABŞ-nyň 2015-nji ýylda Parižde baglaşylan ylalaşykdan çykyp-çykmazlyk kararyny 1-nji iýunda mälim etjekdigini 31-nji maýda Tweeterde ýazypdy.
ABŞ-nyň media serişdeleri Waşingtondaky çeşmelerine salgylanyp, Trampyň 195 ýurt tarapyndan gol çekilen ylalaşykdan çykmagy karar etmegine garaşylýandygyny habar beripdi.
Bu karar ABŞ-nyň öz ýaranlary bilen gatnaşyklaryny ýene ýaramazlaşdyryp biler, şeýle-de ýurdy ylalaşyga gol çekmedik diňe iki döwletiň Nikaraguanyň we Siriýanyň hataryna goşulmagyna getirer.
Ýewropa ýurtlarynyň liderleri Trampy ylalaşykdan çykmazlyga ündemäge synanyşdylar, Orsýet we Hytaý garaşmak garaşmak pozisiýasyny eýelediler.