Orsýetli ady belli aktýor we sowet döwrüniň kino ýyldyzy Alekseý Batalow 88 ýaşynda aradan çykdy.
Batalowyň dostuna salgylanyp, habar berlişine görä, aktýor 15-nji iýunda Moskwanyň keselhanasynda ýogalypdyr. Onuň ölümine but süňküne zeper ýetmeginiň agyr netijeleri sebäp bolupdyr.
Batalow Sowet döwründe iň meşhur aktýorlaryň biridi.
Onuň iň meşhur rollarynyň biri 1957-nji ýylyň “Durnalar uçýar” atly filmine degişli. Bu kartina Kanny film festiwalynyň baýragyny altyn palma şahasyny alypdy.
1960-njy we 1970-nji ýyllarda, Batalow rus klassiki eserleriniň mazmunynyň esasynda düşürlen filmlerde oýnady.
Şeýle-de Sowet Soýuzynda örän meşhur bolan filmleriň ençemesinde, şol sanda Wladimir Menşowyň “Moskwa slezam ne werit” atly kartinasynda baş rollaryň birini ýerine ýetirdi .