Ukrainanyň paýtagtynda awtoulagda goýlan bombanyň partlamagy zerarly wepat bolan harby ukrain aňtaw gullugynyň polkownigi diýip, ýurduň Goranmak ministrligi aýtdy.
27-nji iýunda edilen beýannamada partlamanyň pidasynyň polkownik Maksim Şapowaldygy mälim edildi.
Munuň öňüsyrasynda polisiýa gymmatbaha awtoulagyň Solomýanskiý etrabynyň araçägine ýetende partlandygyny habar berdi.
Içeri işler ministrligi pidanyň 1978-nji ýylda doglan adamdygyny we wakanyň “terrorçylykly hüjüm” hökmünde derňelýändigini aýtdy.
2014-nji ýylyň aprel aýynda gündogar Ukrainada hökümet güýçleriniň we orsýetçi separatistleriň arasynda söweşler başlanaly bäri, konflikt zonasynyň daşynda partlaýjy serişdeleriň ulanylmagynda hüjümleriň ençemesi bolupdy.
2016-njy ýylyň iýul aýynda awtoulagda goýlan bombanyň partlamagynda belarusly žurnalist Pawel Şeremet wepat bolupdy.
BMG-niň maglumatyna görä, gündogar Ukrainada hökümet güýçleriniň we orsýetçi separatistleriň arasyndaky konflikt zerarly 10 müňden gowrak adam wepat boldy.