Ukrainanyň ot söndürijileri Çernobyl ýadro elektrostansiýasynyň daşynda radiasiýaly daşlaşma zonasynda tokaýda dörän ýangyna garşy göreşýärler diýip, resmiler aýdýarlar.
Adatdan daşary ýagdaýlar boýunça edaranyň aýtmagyna görä, ýangyn 29-njy iýunda günortan Lubýanskoýe tokaýlygynda agaç çapmak boýunça işleriň alnyp barylan ýerinde döräpdir we 30-njy iýunda irden 25 gektar giňişlige ýaýrapdyr.
Ýangynyň bolan ýerine 100-den gowrak ot söndüriji, ýük ulaglarynyň we uçarlaryň ençemesi iberildi, diýlip maglumatda aýdylýar.
1986-njy ýylda Çernobyl ýadro elektrostansiýasynda bolan partlamadan soň onuň töwereginde ýangynlaryň ençemesi bolupdy. Çernobyldaky partlama adamzadyň taryhyndaky iň elhenç tehnologiki betbagtçylyklaryň biri hasaplanylýar.
Diňe 2015-nji ýylda ýangyn elektrostansiýanyň daşyndaky daşlaşma zonasynda 400 gektar tokaýy ýok edipdi.
Diňe ýegenleriňki däl, ýegenleriň daýysynyň döredip, saklap oturan sistemasynyň prokuraturada, polisiýada, MHM-de işleýän işgärleriniň hem açan söwda nokatlary mydama işläp dur. Diňe şolaryňky "Eldegirilmesiz", "Ýakynyna barmasyz".