"Serhetsiz lukmanlar" Owganystanyň Gunduz welaýatynda keselhanasyny gaýtadan açdy

"Serhetsiz lukmanlar" guramasy (MSF) Owganystanyň Gunduz welaýatynda kiçi keselhanasyny gaýtadan açdy. Bu keselhana 2015-nji ýylda ABŞ-nyň howa hüjümleri zerarly guramanyň keselhanasynyň ýumrulmagyndan soň açan ilkinji edarasydyr.

2015-nji ýylda amerikan ýörite gýçleriniň howadan amala aşyran hüjümleriniň netijesinde keselhananyň hassalaryndan, medisina işgärlerinden 42 adam wepat bolupdy.

Gurama öz medisina edaralaryna hormat goýuljagyna we olaryň goraljagyna amerikan we owgan harbylary tarapyndan kepil geçilmeginiň ugrunda iş alyp barýar.

Täze hassahana ýagdaýy agyr bolmadyk näsaglara kömek bermek üçin niýetlenýär. Onuň binasy ýumrulan keselhananyň ýerinde ýerleşmeýär.

MSF 2018-nji ýylda Gunduz welaýatynda täze hassahanany gurmaga ukyply boljagyna umyt baglaýar.

Öňki keselhana 2015-nji ýylda “Talyban” toparynyň şäheri ele salan döwründe ýumrulypdy.