Gazagystanyň Daşary işler ministrligi Müsüriň häkimiýetlerinden Kairde ýiten bolmagy çak edilýän alty gazagystanly studenti tapmagy resmi taýdan sorady.
Ministrligiň 25-nji iýulda aýtmagyna görä, alty student Müsüriň paýtagtynda bir jaýda ýaşaýardy we arap dilini öwrenýärdi.
Daşary işler ministri Anuar Žainakowyň aýtmagyna görä, gazagystanly studentler öz garyndaşlary bilen 20-nji iýulda habarlaşmagyny kesipdir.
Žainakow studentleriň ekstremist yslamçy ideologiýa ýykgyn edýän adamlar bolmandygyny belledi.
Gazagystan öz raýatlarynyň ýüzlerçesiniň soňky ýyllarda Siriýada we Yrakda ekstremist toparlara goşulandygyny aýdýar.