Sepleriň elýeterliligi

Trump Putine diplomatik işgärleriniň sanyny azaltmak talaby üçin minnetdarlyk bildirdi


ABŞ-nyň prezidenti Donald Trump (s) we Orsýetiň prezidenti Wladimir Putin (ç)

Prezident Donald Trump Orsýetiň prezidenti Wladimir Putiniň ABŞ-nyň Orsýetdäki diplomatik missiýalarynda işgärleriň sanyny çäklendirmek hakyndaky talabyna özüniň ähmiýet bermeýändigini mälim edip, Putine minnetdarlyk bildirdi we munuň Birleşen Ştatlaryň aýlyklar üçin çykdajylaryny azaltmaga ýardam berjegini aýtdy.

Trampyň 10-njy awgustda dynç alyş wagtynda žurnalistlere aýdan bu sözleri Putiniň ABŞ-nyň Orsýetdäki ilçihanasynyň we konsulhanalarynyň 1200 adamdan ybarat işgärleriniň sanyny 755 adamlyk kemeltmegi talap edip, 30-njy iýulda eden çykyşyna ilkinji jogaby boldy.

Bu çykyşlar Orsýetiň ABŞ-nyň 2016-njy ýylyň noýabr aýynda geçirilen prezidentlik saýlawlaryna goşulyşmagy baradaky çaklamalar boýunça derňewleriň geçirilýän wagtyna gabat geldi.

Orsýet ABŞ-nyň Moskwadaky ilçihanasynyň işgärleriniň sanyny azaltmak barada eden talabyny Waşingtonyň sanksiýalary girizmek hakynda täze kanuny kabul etmegine jogap hökmünde yglan etdi.

XS
SM
MD
LG