Adam hukuklaryny goraýjy “Human Rights Watch” (HRW) guramasynyň aýtmagyna görä, Özbegistanda BMG-niň öňki işgäri we hökümet resmisi 11 ýyllyk adalatsyz türme tussaglygyndan soň boşadylypdyr.
“Özbegistanda gynalan we 11 ýyllap adalatsyz tussag edilen” Erkin Musaýew 11-nji awgustda tussaglykdan boşadyldy diýip, HRW 16-njy awgustda çap eden beýanatynda aýtdy.
2006-njy ýylda tussag edilip, 2007-nji ýylda içalyçylykda aýyplanyp, türme tussaglygyna höküm edilen Musaýew prezident Şawkat Mirziýaýewiň karary bilen türmeden boşadyldy.