Sepleriň elýeterliligi

Soňky habar
Göni efirde

Pakistan kaşmirli separatist guramanyň ABŞ tarapyndan 'terrorçy' atlandyrylmagyny ýazgardy


"Hizbul Mujahideen" guramasynyň lideri Syed Salahuddin

Pakistan ABŞ-nyň Kaşmiriň “Hizbul-Mujahideen” atly separatist guramasyny terrorist gurama hökmünde häsiýetlendirmegini tankyt etdi we muny “doly adalatsyz” diýip atlandyrdy.

Döwlet departamenti 16-njy awgustda bu guramany terrorçy guramalaryň sanawyna goşdy we ýurduň raýatlaryna hem ýaşaýjylaryna bu gurama bilen iş salyşmagy resmi taýdan gadagan etdi, şeýle-de onuň ABŞ-nyň garamagyndaky giňişliklerde hasaplaryny doňdurdy.

“Biz ABŞ-nyň kararyndan aladalanýarys. Kaşmiriň öz ýoluny saýlamagyny goldaýan guramanyň terrorçy atlandyrylmagy doly adalatsyz” diýip, Pakistanyň Daşary işler ministrliginiň metbugat-wekili Nafees Zakaria 17-nji awgustda Yslamabatda žurnalistlere aýtdy.

“Hizbul-Mujahideen” Kaşmirdäki iň uly söweşiji topar.

Iýul aýynda ABŞ-nyň häkimiýetleri guramanyň esaslandyryjysy we lideri Syed Salahuddini "global terrorçy" diýip atlandyrdy. ABŞ-nyň bu beýanaty Hindistanyň premýer-ministri Narendra Modiniň Waşingtona saparynyň öňýanyna gabat geldi.

Iň soňky teswirler

Iň soňky teswirler
XS
SM
MD
LG