Sepleriň elýeterliligi

Soňky habar
Göni efirde

ABŞ Orsýetde 'immigrasiýa üçin bolmadyk wizalara degişli ähli operasiýalary' togtadýandygyny aýtdy


ABŞ-nyň Moskwadaky ilçihanasy

Birleşen Ştatlar 23-nji awgustdan başlap Orsýetdäki missiýalarynyň “immigrasiýa üçin bolmadyk wizalara degişli ähli operasiýalarynyň” togtadylýandygyny aýtdy we munuň Orsýetiň ABŞ-nyň diplomatik missiýalarynyň işgärleriniň sanyny çäklendirmek boýunça çäresi bilen baglydygyny belledi.

ABŞ-nyň Orsýetdäki ilçihanasynyň 21-nji awgustda ýaýradan bu beýanatynda operasiýalaryň Moskwada 1-nji sentýabrda dikeldiljekdigi mälim edildi.

Emma maglumata görä, ABŞ-nyň Sankt Peterburgdaky, Ýekaterinburgdaky we Wladiwostokdaky ilçihanalarynda wiza bermek işi takyk edilmek wagt möhletine çenli bes ediler.

“Orsýetiň ABŞ-nyň bärde diplomatik wekilhanalaryny çäklendirmek karary Orsýetiň gatnaşyklaryň gowulandyrylmagyna çynlakaý garamagyny sorag astyna goýýar” diýlip, beýannamada aýdylýar.

Orsýetiň prezidenti Wladimir Putin ABŞ-nyň Orsýetdäki ilçihanasynyň 1200 çemesi işgäriniň sanyny 755 adamlyk azaltmagy geçen aýda karar etdi.

Orsýet ABŞ-nyň Moskwadaky ilçihanasynyň işgärleriniň sanyny azaltmak barada eden talabyny Waşingtonyň sanksiýalary girizmek hakynda täze kanuny kabul etmegine jogap hökmünde yglan etdi.

Iň soňky teswirler

Iň soňky teswirler
XS
SM
MD
LG