Barselonada 13 adamyň ölümine sebäp bolan hüjümçini gözlemek boýunça işler tutuş Ýewropa ýaýbaňlandy diýip, Ispaniýanyň Kataloniýa regionynyň hökümeti habar berdi.
Ispaniýanyň demirgazyk regionynyň içeri işler boýunça resmisi Joakuim Fornyň 21-nji awgustda aýtmagyna görä, “bar subutnamalar” märekäniň üstüne süren ulagyň sürüjisiniň 22 ýaşly marokkoly Younes Abouýakoubdygyny görkezýär.
Häkimiýetler Abouýaakoubyň ýurduň daşyna, Frasiýa geçendigini anyk aýdyp bilmeýändigini belleýärler.
17-nji awgustda Barselonada bolan hüjümiň yzýany ýene bir hüjüm Kabrilis atly ýerde amala aşyryldy, hüjümçileriň märekäniň üstüne awtoulagyny sürüp adamlary pyçaklap başlamagy zerarly bir zenan wepat boldy.
21-nji awgustda bolan hüjüm zerarly wepat bolanlaryň sany 15 adama ýetdi.
20-nji awgustda polisiýa terrorçy bolmakda güman edilýän 12 adamyň, şol sanda Abouýaakoubyň gözlenýändigini mälim edipdi. Hüjümçilerden dört adam tussag edildi we bäş adam Kambrilisde atylyp öldürildi.