Kremliň geňeşçisi ABŞ-nyň gündogar Ukrainada konfliktiň soňuna çykmak boýunça täze ýörite wekili bilen geçiren gepleşigi barada optimistik çykyş etdi we taraplaryň “konstruktiw” duşuşykda “täze ideýalary” maslahat edendigini mälim etdi.
ABŞ-nyň wekili Kurt Wolker Kremliň gündogar Ukraina boýunça wekili Wladislaw Surkow bilen 21-nji awgustda Belarusyň paýtagty Minskde ýapyk gapylaryň aňyrsynda duşuşdy.
Surkow Wolker bilen gepleşiginde Ukrainadaky häzirki ýagdaýyň kabul ederlikli däldigi we “parahatçylyk prosesiniň syýasy ugurdan, şeýle-de howpsuzlyk taýdan has tiz öňe gitmelidigi” barada ylalaşylandygyny aýtdy.
Wolker duşuşygyň yzýany çykyş etmedi.