Sepleriň elýeterliligi

Soňky habar
Göni efirde

Ukraina garaşsyzlyk senesini belleýär


Ukraina garaşsyzlyk senesini harby parad bilen belleýär, Kiýew, 24-nji awgust, 2017.

ABŞ-nyň goranmak sekretary Jim Mattis we beýleki ýurtlaryň goranmak ministrleri Ukrainanyň garaşsyzlyk gününi bellemek üçin Kiýewde duşuşdylar.

Mattisiň we Estoniýanyň, Gürjüstanyň, Latwiýanyň, Litwanyň, Moldowanyň, Çernogoriýanyň we Polşanyň goranmak ministrleriniň 24-nji awgustda Kiýewde geçirilýän harby parada gatnaşjagy aýdyldy.

ABŞ-nyň goranmak sekretarynyň Ukrainanyň prezidenti Petro Poroşenko we goranmak ministri Stepan Poltorak bilen duşuşjagy hem aýdyldy.

Dabaranyň öňüsyrasynda ABŞ-nyň prezidenti Donald Tramp Poroşenko iberen gutlag hatynda ABŞ-nyň Ukrainanyň “özbaşdaklygyny we bütewüligini”, şeýle-de “hakyky Ýewropa ýurdy bolmak ymtylmalaryny” goldamagyny dowam etdirjekdigini aýtdy diýlip, Ukrainanyň prezidentiniň websaýtynda aýdylýar.

Ukrainanyň Sowet Soýuzyndan garaşsyzlygynyň 26-njy ýyl dönümi bilen bir wagtda ýurduň gündogarynda hökümet güýçleriniň we orsýetçi separatistleriň täze okuw ýylynyň öňüsyrasynda ok atyşygy bes etmek barada ylalaşyga gelindi.

Iň soňky teswirler

Iň soňky teswirler
XS
SM
MD
LG