ABŞ-nyň prezidenti Donald Tramp 18-nji sentýabrda BMG-niň Nýu Ýorkdaky baş edarasynda geçiriljek duşuşykda guramany reformirlemek üçin global derejede goldawa eýe bolmak ugrunda hereket eder.
BMG-ni ýygy-ýygydan tankyt edýän Tramp bu iri halkara guramasyny özgertmek boýunça öz garaýyşlaryny mälim eder. Tramp 193 agzaly BMG-niň Baş Asambleýasynyň 19-25-nji sentýabr aralygynda geçiriljek ýyllyk maslahatynda prezident wezipesinde ilkinji gezek çykyş eder.
Tramp BMG-niň reformasy barada Baş sekretary Antonio Guterresiň we dünýäniň 120 ýurdunyň gol çekjek deklarasiýasyna goşular.
ABŞ BMG-niň maliýe üpjünçiligine iň köp goşant goşýan ýurt hökmünde maliýe goşandygyny çäklendirjegini duýdurdy, Gutters munuň gurama üçin “çözüp bolmajak” problemalary döretjekdigini aýtdy.
Iýun aýynda Baş Assambleýa guramanyň parahatçylygy saklamak boýunça 8 milliard dollarlyk ýyllyk býujetini 600 million dollar möçberinde azaltmak boýunça ses berdi.
Şu ýyl Baş Assambleýanyň ýyllyk maslahatyna 130 çemesi ýurduň liderleri gatnaşar.