Ispan hökümeti Kataloniýanyň awtonomiýasyny togtatmak üçin 21-nji oktýabrda adatdan daşary hökümet ýygnagyny geçirmäge çagyrdy. Bu çagyryş katalan lideri garaşsyzlygy jar etmek haýbatyny atanyndan soň edildi.
Premýer-ministr Mariano Rajoýyň edarasy 19-njy oktýabrda Ministrler kabinetiniň ispan konstitusiýasynyň 155-nji maddasyny işe girizmek üçin duşuşjakdygyny aýtdy.
155-nji madda Madride, eger-de region öz kanuny borçlaryny berjaý etmese, sebiti göni dolandyryş astyna almaga ygtyýar berýär. Hökümetiň Kataloniýa babatynda görmek isleýän çärelerini kesgitlemegi hem-de olary soňra Ispaniýanyň senatynda sese goýmaga hödürlemegi gerek.
Kataloniaýanyň lideri Karles Puigdemont, 19-njy oktýabrda garaşsyzlyk talaplaryndan el çekmek barada berlen soňky möhlet bilen ýüzbe-ýüz bolup, eger-de Madrid “repressiýany dowam etdirse”, regional parlamentiň Ispaniýandan bölünmegi sese goýjakdygyny aýtdy.