Belarusda sud oppozisiýa liderini 10 günlük türme tussaglygyna höküm etdi. Uladzimer Nýaklýaeu adamlaryň bikanun ýygnanyşygyna çagyryş etmekde aýyplandy.
Minskiniň sudy Nýaklýaeunyň 16-njy oktýabrda telewideniýede eden çykyşyny “rugsat berilmedik jemgyýetçilik çäresini geçirmäge çagyryş” diýip, häsiýetlendirdi. Nýaklýaeu şol çykyşynda “eger-de kimdir biriniň hak-hukugyny gorajak bolsaňyz, öýüňizden çykyp goraň” diýipdi. Ol 21-nji oktýabrda geçirilmeli hökümete garşy protest barada öz pikirini beýan edipdi.
Belli şahyr we prezidentlige dalaş eden Nýaklýaeu 2010-njy ýylda Alesksandr Lukaşenkonyň dawaly ýagdaýda täzeden prezident saýlanmagyna garşy geçirilen protestlere gatnaşany üçin, şertli ýagdaýda iki ýyl türme tussaglygyna hem höküm edilipdi.