Eýranyň resmileri ýurduň Yrak bilen serhediniň golaýynda bolan güýçli ýer sarsgyny zerarly 407 adamyň wepat bolandygyny we 6700 adamyň ýaralanandygyny habar berdiler.
Eýranyň Içeri işler ministrliginiň 13-nji noýabrda aýtmagyna görä, Kermanşah welaýatynda bolan 7.3 magnitudaly tebigy betbagtçylygyň täsiri Türkiýeden Kuweýte çenli tutuş regionda duýulypdyr.
Yragyň resmileri ýurtda azyndan ýedi adamyň wepat bolandygyny we 320-den gowrak adamyň ýaralanandygyny aýdýarlar.
12-nji noýabrda agşam dörän ýer titremäniň merkezi Yragyň demirgazyk-gündogaryndaky Halabja şäherinde boldy.