Sepleriň elýeterliligi

Orsýet BMG-niň Siriýadaky himiki hüjümleriň derňewlerini dowam etdirmegine garşy çykdy


BMG-niň Howpsuzlyk Geňeşiniň maslahaty, Nýu Ýork, 13-nji noýabr, 2017.

Orsýet Siriýada himiki ýaraglaryň ulanylmagy bilen bagly hüjüme kimiň jogapkärdigini anyklamak boýunça BMG-niň derňeýji toparynyň ygtyýarynyň möhletini uzaltmak barada ABŞ tarapyndan BMG-niň Howpsuzlyk Geňeşinde edilen teklibe weto gadagançylygyny girizdi.

16-njy noýabrda BMG-niň bilelikdäki derňeýji mehanizminiň möhletiniň dolmagynyň öňüsyrasynda Moskwanyň girizen wetosy 2011-nji ýyldan bäri Siriýada graždan urşy bilen bagly BMG-niň rezolýusiýalaryna garşy 10-njy gadagançylygydyr.

2015-nji ýylda derňewleriň başlanmagyndan bäri Siriýada edilen himiki hüjümleriň diňe birinden başga ählisinde Orsýetiň ýarany prezident Başar al-Assadyň harbylary aýyplanylýar.

ABŞ-nyň ilçisi Nikki Haleý weto Orsýetiň Assadyň hökümetine berýän goldawyny Siriýanyň raýatlaryndan has ýokary tutýandygyny görkezýär diýdi.

XS
SM
MD
LG