Sepleriň elýeterliligi

Tillerson Wenada Lawrow bilen Siriýa, Ukraina maslahatyny eder


ABŞ-nyň döwlet sekretary Reks Tillerson

ABŞ-nyň döwlet sekretary Reks Tillersonyň gelýän hepde Siriýa we Ukraina barada maslahatlaşmak üçin Orsýetiň daşary işler ministri Sergeý Lawrow bilen duşuşmagy planlaşdyryldy diýip, Döwlet departamentiniň uly resmisi aýtdy.

Ol resminiň 1-nji dekabrda aýdan sözlerine görä, bu duşuşyk Awstriýanyň paýtagty Wenada, ÝHHG-nyň duşuşygynyň gapdalyndan, belki-de 7-nji dekabrda geçiriler.

Adynyň aýdylmazlygy şertinde gürleşen resmi “Ol ýerde Orsýetiň daşary işler ministri bilen duşuşyk planlaşdyryldy” diýdi.

Tillersonyň 4-8-nji dekabr aralygynda NATO, ÝB we ÝHHG duşuşyklary üçin Brýussele, Wena we Pariže sapary planlaşdyrylýar.

Döwlet departamentiniň resmisi ÝHHG gepleşiklerinde Ukrainanyň hökman diýen ýaly gün tertibinde boljakdygyny aýtdy.

XS
SM
MD
LG